حلبة الدراق ريس قوانين ومتطلبات تعديل للسيارة

--------------------------------------------------------------------------------

اخواني من فتره طويله وانا ابي انزل موضوع مثل الي بتكلم عنه اليوم ولقيت ان الحين وقته المناسب ..


اول شي نتكلم عن الفئات ونبتدي :-

1- فئة ستريت 4 .6 .8 سلندر :-

بأختصار هي فئه للسيارات العاديه الي تمشي في الشارع بدون اي تقصيص في الشاصي وتقدر تستعمل بانه مخففه فقط واستعمال تواير لاتزيد عن 10.5 العرض وتكون بأداء المكينه فقط من غير اضافت مولدات طاقه (باور ادر ).تيربو ,نايتروس ,سوبر جارج ) وتقدر تزود فقط في المكينه او تغير المكينه بشرط يكون بلوك اصلي مب بلوك افتر ماركت والانتيك مايكون شيت متل .

افضل ارقام لها في حلبة البحرين

4سلندر :- 11 sec
6سلندر :- 11 sec
8سلندر :- 9.0 sec


2-فئة سوبر ستريت 4 .6. 8 سلندر .

نفس متطلبات فئة الستريت باضافه الباور ادر (تيربو نايتروس سوبر جارج ) لاكن للعلم ان 8 سلندر يتم اختيار بارو ادر واحد يعني مايصير تيربو +غاز او سوبر +غاز لاكن في ال 6 وال 4 سلندر يكون مفتوح واهم شي البوك من برا يكون شركه مايكون افتر ماركيت والانتيك مايكون شيت متل .

افضل اوقاتهم

4سلندر :- 9 sec
6 سلندر :- 8 sec
8 سلندر :- 8.2 sec




3-فئة اوت لو 4 . 6. 8 سلندر .

نفس فئة السوبر ستريت لاكن بزيادة( الويل بار , تخفيف من الداخل والخارج وتغير الدرايش الى بلاستك واضافت الترانز بريك للقير , وتكون مفتوحه في التزويد من ناحية البوك والانتيك الشيت متل )

4سلندر :- 8.7 sec
6سلندر :- 6.8 sec فقط الزد مالت العنابي ولاكن افضل رقم من بعدها 8.2
8سلندر:- 7.2 sec


4- فئة 7.5 طبعا ً بدون تحديد .

هذي الفئه راح تكون مفتوحه وتقدر ادخل اي سياره حتى لو برومود بشرط انها ماتكسر هذا الرقم الي هو 7.5 ثانيه وتكون قاص سنسر النهايه قبل الي معاك وماتكسر هذا الوقت


5- البرو مود مفتوحه ..

البرمود لقلة السيارات حاليا ً مفتوحه (بلور نايترو تيربو كلهم مع بعض ) مع انه فيها ظلم للسيارات النايتروس ولاكن حاليا ً متوقفه الفكره ان يتم فصلهم ..

افضل رقم


6.01 سيارت العنابي وافضل رقم في الشرق الاوسط حاليا ً .


وشروط السلامه :- على اغلب الفئات .


1.رول كيج 4 بوينت للسيارات 10 ثواني ..

2.رول كيج 6 بوينت للسيارت 9 ثواني ..

3 رول كيج 8 بوينت للسيارت 8 ثواني ..

4. وطبعا ً لل 7 ثواني يكون كيج كامل الي يكون فيه حمايه على كرسي السائق ..

5. البس الخاص ضد الحريق (السوت ) +خوذه وتكون اصليه ياشباب لسلامتكم + قفاز وجوتي عزكم الله ..

مع تحيات المجهول